الهدوء بتعريفة انه انعدام الموجات الصوتية و التضاغطات و التخلخلات ملوش وجود غير فى الفضاء ... اللى انت تقصدة ده هو هدوء نظرى ...متفقين ؟ ...و الهدوء النظرى بتتخلله أصوات الشارع مهما كانت بعيدة و صوت خطواتنا و صوت نفسك و نفسى و دقات قلبك ...مهما اتعودت عليها و نسيت وجودها... يعنى عندك مثلا صوت الساعة اللى على الحيطة ..صوت التلاجة ..صوت مراوح الكومبيوتر   ... وصوت زنة اللمبة النيون , كل دى اصوات انت اتعودت عليها و بقت جزء منك مش هتلاحظ اهميتها غير لما تختفى

 

 نبذة عن الفيلم (بقلم شارل عقل)

في رحلة احدهم للبحث عن الهدوء، يهم شخص اخر للفرار من الهدوء... فالهدوء لكل شخص له تعريف معين. للأول هو يمثل كل احلامه بالفناء و للثاني يمثل غموض لابد من الفرار منه... كل شخص في حياته قد لا يفكر في اعطاء تعريفات و لكنها تتخذ معناها و ثقلها من تقاطع خطوط حياتنا معاً و تناقض تعريفاتنا.
ما هو الامر مع التزامن ؟ كيف تؤثر حياة شخص على شخص اخر دون ترتيب أو نظام؟ لا أعرف ما يثيرني في هذه الفوضى و لما تطرأ علي من تلقاء نفسها. ما الامر مع التزامن و التوازي و التقاطع.
هذه النقاط ذات الاهمية القصوى دونما اسباب، فمهما كانت اهمية حياه كل منا فهي في النهاية متتالية من المشاهد البصرية و السمعية على خط زمني مستقيم. اهم ما يميزها في المنظر العام هو نقاط تقاطعها مع بعضها البعض في شكل زخرفة فوضوية..